O 21 de xullo de 1969 o astronauta norteamericano Neil Amstrong pisou o chan da Lúa. Foi a primeira vez que un ser humano puxo o seu pé nun mundo distinto á Terra. Corenta anos despois lembramos a fazaña da misión Apollo 11 ,e aínda que posteriormente houbo outras misións tripuladas, case ninguén fala delas. Premede aquípara ver unha reportaxe animada da misión.
Onte tiven a sorte de asistir a conferencia "Cambio climático nun planeta vivente", impartida polo pai da teoría "Gaia" en Santiago de Compostela. Antes da charla foille entregado o Premio Fonseca, galardón que recoñece os seus méritos como comunicador da Ciencia. Despois de escoitalo teño aínda máis claro que, se queremos ter un futuro é imprescindible que todos os cidadáns coñezamos como funciona o planeta . Que tal se buscades algo sobre a súa biografía e sobre a teoría Gaia? Déixovos aquí e aquí as referencias á visita deste ilustre científico que publican algúns xornais. Fixádevos tamén nas diferencias enre ambas reportaxes... que aspectos recalca cada unha?
Este blogue nace hoxe para que os alumnos da materia de Xeoloxía do IES Auga da Laxe fagades as vosas colaboracións. Animádevos a escribir e publicar os vosos traballos! E para empezar , poñédevos os anteollos de xeólogo e fixádevos na foto... Que é o que vedes? Hai algo que vos chame a atención? Contestade nos comentarios!