Un calendario xeolóxico interactivo

Na web de National Geographic atopei esta escala dos tempos xeolóxicos interactiva:

Prehistoric timeline

O fósil de réptil máis antigo

Con este post inauguro unha serie sobre "récords" paleontolóxicos. Neste caso, tal como di o título, tócalle ao lagartiño que vedes na imaxe, bautizado pola ciencia como Hylonomus lyelli (o noso amigo Charles Lyell estaría encantado con esta homenaxe) e que habitou o continente Panxea hai 312 millóns de anos (período carbonífero). A importancia deste fósil é evidente xa que os réptiles son os primeiros vertebrados verdadeiramente terrestres, é dicir con pel seca e impermeable, respiración exclusivamente pulmonar e con ovos amniotas que lles permitiron independizarse das masas de auga para ter descendencia. A posterior diversificación do primitivo tronco reptiliano deu lugar a todos os demáis vertebrados terrestres incluidos dinosauros,mamíferos e aves.

Poñémonos a andar

Comeza o curso 2010-2010 cunha boa nova: no IES Auga da Laxe de Gondomar hai alumnos de Xeoloxía de 2º de Bacharelato!
Este blogue é para facilitarvos o camiño por esta asignatura. Aquí atoparedes todo tipo de información, ligazóns , ferramentas e tarefas. Por suposto, tamén para que fagades as vosas aportacións e comentarios. Animádevos!
Como "aperitivos" aquí tedes un par de ligazóns que vos poden interesar para facer o exercicio sobre os intentos de determinar a idade da Terra previos ao descubrimento da radiactividade.
Un planeta con canas
Lord kelvin e a idade da Terra (post do curso pasado neste mesmo blog)