Preséntovos a Leefructus mirus, unha planta anxiosperma que viviu hai 125 millóns de anos, no Cretácico inferior. O interesante deste fósil é que pertence a unha planta anxiosperma, é dicir , con flores e froitos que encerran no seu interior as sementes. O seu achado obriga aos paleobotánicos a retrasar no tempo a data de aparición das primeiras plantas anxiospermas ata o final do período Xurásico.
